【驚惶失措的導盲犬】
有時，我覺得自己蠻不錯的！膽大心細臉皮厚，很多公公婆婆也因我的出現而重拾笑容，就像今早上門家訪，又多了五個！本來孤單失落、徬徨無助；但探訪後即時重拾笑容，自言重燃希望！
一位我從未見過、但特地來中心找我求助的婆婆告訴我，是街坊叫她來找我的！他們說我就像黃大仙，有求必應，有難題找我就可，我一定會幫助他們！我聽了不知應感動還是激動？我竟成黃大仙了？黃大仙不是男人來的嗎？
做了阿肥姑娘這麼多年，能得到服務使用者信任和欣賞實在是值得感恩的事，而這亦是我一直不捨得放棄這個身份的原因！可是，有更多時候，我覺得自己很不劑！尤其在照顧肥媽方面，完全像一頭失明的導盲犬！我自以為可以引領主人避過危險，但其實我的視力比主人更劣！
昨晚如常睡不到四小時的我，今早乘地鐵上班途中，默默寫了一個訊息予紓緩科護士.....
周姑娘，早晨！唔好意思，阻阻妳，有關肥媽傷口嘅問題.....
噚日膠布又甩咗，紗布移哂位，我叫HW幫忙處理，終於見到佢傷口嘅情況；油紗上嘅紗布片全是血，已掉；油紗就唔特登移走，照冚乾淨紗布喺面層！
我有三個問題想請教：
1)傷口持續出血水，是否有更好的敷料可幫助止血、不黏傷口兼能促進傷口癒合？(如：Melolin 或 Aquacel適合嗎？)
2)媽好大汗，加上要定時轉身同換衫，四周膠布成日甩至脫離紗布，只貼住下層皮膚；之前用透明薄膜Tegaderm係穩陣，但又因貼得太耐令皮膚泛紅同微損；宜家用返膠布又成日甩，點算好？(媽乳房腫瘤遠處外圍仲無端端有個1cm水泡，穿了，有血，現正結焦)
3)媽噚日洗傷口時臉、額、四肢、背脊不停標冷汗，唞氣亦較急，我叫佢若感痛眨眨眼，佢即時眨左眼兩三吓，本來因汗濕身換咗衫才洗傷口，但洗完之後全件睡衣又濕透了！宜家早上嗰餐已俾兩粒panadol，其餘三餐一粒，但我想請問有冇一啲再強少少止痛效力，安全又容易入睡嘅選擇呢？(CGAT要到19/11才覆診，我覺得等得太耐了！)
唔好意思！打擾到妳！我唔知妳今日是否需要上班？但抱歉我真的要向妳求助！媽噚日雖然好攰，但完全冇瞓過，臉頰同眼睛泛紅，不停濕身，四肢僵硬又直，我覺得佢真係好辛苦！
期待妳嘅回覆！再次感謝妳嘅聆聽與支援！❤🙏🏻
紓緩科護士尚未覆我，反而天使醫生給了我一些止痛藥方面的建議，他建議替媽每餐加多一粒Tramadol 50mg，望能有助減輕她的痛楚！
在此，我很想向不時被我騷擾和求助的醫護朋友致歉！只因這頭驚惶失措的導盲犬，快把主人一起拉到湖裡去了！
Search